週二, 09 三月 2021 04:56

作客般尼賽後報告

今場波雖然作客,不過愛隊甫開賽就有一個好嘅開始。上半場5分鐘隊長奧巴美揚喺禁區内引球插花起腳,樸比雖然觸到皮球但仍阻止唔到皮球入網,愛隊領先1比0,但惡夢就喺下半場完場前發生。39分鐘,沙卡喺自己門前將利奴嘅傳球省中基斯活撞入網,般尼得以扳平1比1完上半場。沙卡繼首循環對般尼領紅牌後再犯一個非常低級嘅錯誤。

下半場愛隊亦不缺機會,令人更加憤怒嘅係比達斯禁區內犯手球獲12碼兼比達斯被逐,不過因偉大嘅VAR而令球證推翻判決。到咗補時階段愛隊喺門前連環起腳,張伯斯亂軍中射中門柱,結果愛隊只能賽和得1分,賽後27戰得38分排第10。
寫到呢度突然間腦海一片空白,唯有寄望12號凌晨作客對奧林比亞高斯可以知恥近乎勇,COYG

閱讀 1261 次數