週一, 01 三月 2021 04:52

作客利斯特城賽後報告

今場喺賽前有一個好消息 李斯特城麥迪臣缺陣,而愛隊兩日前經過舟車勞動喺雅典踢完歐霸盃賽事趕返倫敦,今日再北上作客利斯特城,所以達帥陣容上多個位置作出輪換,而隊長奧巴美揚先列後備,由拿卡錫迪代替兼代隊長,比比同韋利安作出支援。
上半場狐狸喺5分鐘就有個好開始,迪拿曼斯右邊個人突破喺禁區施射得手先開紀錄1比0。6分鐘後,比比禁區被迪拿曼斯侵犯,但經VAR翻睇之後未有比12碼,直至上半場尾段38分鐘韋利安右路開出罰球,雷斯頭槌一頂破網,追成1比1平手。愛隊愈踢愈有貨,補時階段安迪迪禁區內犯手球,球證再一次要睇VAR,最終判決12碼由拿卡錫迪主射中鵠,愛隊半場反超前2比1。

下半場狐狸換入禮頓加強攻力,但係愛隊喺52分鐘由比比門前近射得手,將比數優勢增至3比1。愛隊餘下時間亦有多次埋門機會,但亦都未能把握,最終作客亦以3比1結束今場賽事全取3分。
今場可以講係最近愛隊嘅代表作!球迷會喺度要向數位近半季表現唔係咁好嘅愛隊隊員而喺今場賽事中大踢爭氣波送上鼓勵,寄望全隊隊員愈踢愈好。寄望嚟緊嘅禮拜六再一次一鼓作氣作客喺般尼身上全取3分,COYG?

閱讀 155 次數