週一, 08 二月 2021 13:48

作客阿士東維拉賽後報告

愛隊今仗有利奴同雷斯齊坐波監,上半場開波僅2分鐘即因後防唔集中而失守,索拉斯回傳加比爾唔夠力,查奧爾趁機快步截走皮球爆落底線傳中,屈堅斯近門掃入1比0,愛隊之後雖然控球率較佳,但射門意欲奉欠,維拉亦以1比0領先上半場。

下半場愛隊積極反撲,比比遠射僅僅斜出,其後換入隊長奥巴美揚同奧迪加特,可惜隊長完全不在狀態有如隱形人,反而首次正選上場嘅賴恩表現神勇,全場作出7次撲救,最後維拉最終以1比0勝出,係自92/93年球季後首度被維拉雙殺之餘,更連續3場聯賽失分,再陷入低潮。
我哋下一場賽事將會去到15號大年初四凌晨主場對列斯聯,希望愛隊喺呢一個星期徹底反思反省。

閱讀 64 次數