車仔下半場換走雲拿同哥華傑治，由赫臣奧度爾同佐真奴入替試圖加強中場控制能力搶攻。不過開波冇耐愛隊就擴大比數至3球，薩卡喺56分鐘於禁區似傳似射下射入1球，遙遙領先3比0，完場前艾巴咸為車路士追回1球兼獲得一球12碼，但佐真奴射失，最終愛隊以3:1擊敗車路士，終止7場不勝嘅困局！
今仗踢出一場漂亮嘅勝仗，希望愛隊真正喺黑暗之中搵到曙光重新出發，期待下場作客白禮頓繼續復興之路。COYG！
週一, 04 一月 2021 02:37
主場對車路士賽後報告
今仗愛隊大幅度變陣，馬天尼利、拿卡錫迪、薩卡合作攻堅，因隊長美揚剛傷癒先列後備，而加比爾曾接觸新冠病毒患者，需隔離避戰3場。
上半場愛隊喺初段攻勢較多，但最接近入波嘅係客軍，曼治主射罰球中柱彈出，愛隊大難不死，於中段時間獲得12碼由拿卡錫迪操刀射入領先1比0。完半場前，由停賽3場復出嘅沙卡離門22碼轟入一球靚絕罰球擴大領先比數至2比0，罕有地喺半場領先2球完上半場。
發佈於
賽後報告