週三, 23 十二月 2020 12:00

主場對曼城賽後報告

今仗愛隊正選有拿卡錫迪、美倫賴奧斯、施巴約斯同久休復出嘅馬天尼利。
甫開賽愛隊亦如最近幾場賽事一樣慢熱又唔集中嘅毛病出現,捷西斯打破佢600分鐘嘅入球荒頭槌頂入,領先愛隊1比0。上半場中段,馬天尼利左路傳中,拿卡錫迪頭槌追成平手1比1完上半場。

下半場開波10分鐘又出現一個失誤,客軍獲得罰球由馬列斯直射,路拿臣犯錯將皮球擋入網内再度落後1比2。5分鐘後,霍頓接應費蘭甸奴助攻將比數擴大優勢至領先3比1。尾段客軍由拉樸迪埋齋,曼城輕鬆過關鎖定4比1進級下一圈聯賽盃。
今日球迷會除咗要相信明天會更好呢一句格言之外,唯有就係重複上一場對愛華頓嘅賽後評,愛隊今時今日差勁嘅表現,實在有太多因素而成,不能一時三刻可以解決。不過球會當務之急就係要變!希望球會喺而家水深火熱之中慎重考慮如何變,究竟一月買球員?出返奧斯爾?更換總監?更換領隊或者老闆撤離倫敦返回美國?
最後希望愛隊可以重拾心情喺27號凌晨主場打吡大戰對車路士有脫胎換骨嘅演出!COYG!!

閱讀 97 次數