週三, 23 十二月 2020 11:59

作客愛華頓賽後報告

今仗隊長因傷避戰,由尼基迪亞、比比同韋利安合作攻堅。上半場初段先有堅尼離門35碼遠射斜出,但6分鐘後愛華頓都係先開紀錄,卡法路雲接應傳中頂中賀定入網。中段戴維斯喺禁區攔跌美倫賴奧斯,由比比射入12碼追平1比1。心碎嘅一幕喺完半場前出現,拖肥施格臣開出角球,耶利美拿勁頂破網,主隊再度領先以2比1完上半場。
易邊後10分鐘,碧福特接應傳中失誤,雷斯攻門中柱彈出註定愛隊7場聯賽不勝跌入谷底。最終以1比2敗走葛迪遜公園球場。

其實愛隊今時今日差勁嘅表現,實在有太多因素而成,不能一時三刻可以解決。不過球會當務之急就係要變!希望球會喺現在水深火熱之中慎重考慮如何變,一月買球員,出返奧斯爾,更換總監,更換領隊或者老闆撤離倫敦返回美國?
最後寄望達帥可以帶領愛隊可以喺23號凌晨聯賽盃主場打敗曼城晉級。

閱讀 188 次數