週三, 23 十二月 2020 11:57

主場對修咸頓賽後報告

經過聯賽5場不勝之後,愛隊今仗作出4個調動,比比同尼基迪亞正選出場拍住隊長美揚組成鋒線。而客軍禾仔倒戈。
愛隊一如既往十分慢熱,卒之喺初段就被禾確特單刀射入好快領先1比0,亦以呢個比數完上半場。

下半場初段,薩卡喺左邊進攻路線連過3關後傳中,尼基迪亞助攻比隊長射入,總算打破780分鐘入球荒,愛隊追平1比1。中段,禾仔再度令愛隊陷入困境,佢博到加比爾領第2張黄牌變1紅被逐。 客軍趁多打1人,即全軍壓上,列文施射中楣彈出,最終愛隊力保不失,賽和修咸頓1比1,雖然終止連敗頹勢但6場英超不勝,遠離原本水準甚遠。
愛隊無論體能,戰術或紀律都有待改善,但球迷會寄望愛隊喺兩天之後作客愛華頓另一場硬仗盡力而為,可以為自身,球會及厰迷有一個好表現再重新出發!COYG!!

閱讀 176 次數