週五, 23 十月 2020 14:49

作客維也納迅速隊賽後報告

愛隊今仗表現都係水準之下兼先落後1球,幸得最後將士用命,憑雷斯同隊長美揚喺4分鐘內各入1球,以2:1反勝維也納迅速隊。

上半場迅速隊面對愛隊表現係比較好嘅一隊,初段更差d先開紀錄,列斯邁亞嘅施射被利奴擋出,直至上半場尾段佢哋再次搵到機會,卡拿喺禁區擺脫雷斯後起腳,不過準繩度欠佳無功而還,上半場0比0平手。
下半場開波幾分鐘,主隊終於先開紀錄,雷斯回傳比利奴,傳球被卡拿截到,即刻交富達斯射入領先1比0。愛隊知恥近乎勇,20分鐘後雷斯憑死球攻勢,一記頭球助愛隊追成平手。4分鐘後比爾連比波隊長一射破網反先2比1。最終我哋亦憑呢個比數擊敗維也納迅速隊喺歐霸盃分組賽打響頭炮。
贏波之後愛隊馬不停蹄返回倫敦,將於26日凌晨主場大戰利斯特城。球迷會在此希望達帥盡快穩定軍心及提升球員嘅狀態,而愛隊以專業嘅態度迎接漫長嘅球季 COYG

閱讀 111 次數 最後修改於 週一, 26 十月 2020 14:52